Se aínda non firmaches…. Neste artigo facilitamos a documentación necesaria e mostramos o proceso para tramitar unha alegación oficial contra o proxecto da Mina de Touro na Sede Electrónica da Xunta de Galicia.
IMPORTANTE!!!! O periodo de alegacións contra o proxecto de reapertura da Mina de Touro, O Pino, Arzúa so estará aberto ata este venres 31 de xaneiro.
De poñer en marcha este proxecto, as comunidades locais resultarían altamente perxudicadas e os danos ambientais serían irreparables.
Alén diso, este proxecto xa fora rexeitado por non cumplir a normativa ambiental mínima. A tentativa de volver a activalo é desafiante para a nosa sociedade.
Mais información sobre este proxecto
Nestes días varias iniciativas que protexen o territorio están proporcionando información detallada sobre as irregularidades e o perxudicial do proxecto.
A comunidade local maniféstase rotundamente en contra do proxecto mineiro.
Aquí podes acceder á información posta a disposición pública pola Xunta de Galicia.
Neste documento podes comprobar como se resolveu unha Avaliación de Impacto Desfavorable para este proxecto no 2020: Informe_DIA NEGATIVA MINA 2020
Neste documento podes obter mais información sobre o procesos relativos ao proxecto e sobre mais fontes e recursos alternativos para obter mais información: EXPLICACIÓN PROCESO PRAZOS E RECURSOS
Queres presentar a túa alegación oficialmente contra esta monstrosidade na Sede electrónica da Xunta de Galicia? Axudámoste!!
A continuación imoste facilitar os pasos a seguir e a documentación que nós utilizamos para presentar a túa alegación na Xunta de xeito oficial. Neste artigo podes consultar cómo presentar unha alegación oficial contra proxectos perxudiciais para o medio ambiente, nel afondamos un pouco nos porqués do proceso que imos describir a continuación:
Prepara a a documentación que vas presentar
A nosa alegación contra a Mina de Touro, constade tres documentos. ATENCIÓN!! Un deles é obrigatorio.
- OBRIGATORIO. Modelo oficial para alegacións da Xunta de Galicia. Podes descargalo e preenchelo totalemente en branco: Alegacions_doc_oficial ou usar o noso (parcialmente cuberto): Alegacions_doc_oficial_parcialmente_cuberto
- Non ten número de expediente nin de procedemento.
- Non esquezas por a data e firmalo.
- Presta atención para por o nome dos arquivos correctamente.
- Resumo de alegacións facilitado por asociacións de interesados. Podes acceder a unha versión extendida alegacions_contra_mina_touro_extendidas ou a unha versión reducida Alegacion_contra_mina_touro_reducidas
- Ambos tamén precisan que os cubras e os firmes.
- Informe de Alegacións ampliado. É outro documento extenso e de validez científica. Informe_Alegacions_mina_Touro
Toma nota do nome dos arquivos que elixas, que os vas necesitar máis adiante.
Xa estamos listas para….
Entrar na sede electrónica da Xunta de Galicia
Aquí comezamos o noso proceso.
- O primeiro requisito é poder entrar na túa sede electrónica por medio do Chave 365, DNI electrónico, certificado dixital ou clave. Premendo neste enlace
- No ángulo superior dereito (Trámites), escolle a Solicitude Xenérica e segue as instrucións da plataforma.
Hai que cubrir o modelo de solicitude xenérica online, nós imoste facilitar algúns textos para que aforres tempo. Podes utilizalos ou non, según consideres:
Modelo de Solicitude Xenérica. Asunto relacionado:
Presentar alegacións contra o proxecto Cobre San Rafael, nos concellos de Touro, O Pino e Arzúa (A Coruña) e Vila de Cruces (Pontevedra), promovido pola sociedade Cobre San Rafael, S.L. segundo o ACORDO do 14 de novembro de 2024, do Departamento Territorial da Coruña, sometido a información pública e en periodo de alegacións.
Modelo de Solicitude Xenérica. Expón:
Que a posta en marcha deste proxecto perxudicaría gravemente a comunidade local e ao medio ambiente da contorna onde pretende ser realizado. Así mesmo, aporta información respaldada documentalmente sobre irregularidades na súa aprobación e sobre os impactos ambiental e social nos arquivos anexados.
Modelo de Solicitude Xenérica. Polo tanto, SOLICITA:
QUE VISTAS AS CONSECUENCIAS SOCIAIS E AMBIENTAIS EXPOSTAS NO DOCUMENTO ALEGACION_CONTRA_MINA_TOURO E NO INFORME_ALEGACIONS_MINA_TOURO SE DEAN POR PRESENTADAS AS ALEGACIÓNS EXPOSTAS NOS MENCIONADOS DOCUMENTOS SEGUNDO O ACORDO 2024-11-14 DO DEPARTAMENTO TERRITORIAL DA CONSELLERÍA DE ECONOMÍA E INDUSTRIA DA CORUÑA POLO QUE SE SOMETE A INFORMACIÓN PÚBLICA O PROXECTO COBRE SAN RAFAEL, NOS CONCELLOS DE TOURO, O PINO E ARZÚA (A CORUÑA) E VILA DE CRUCES (PONTEVEDRA), PROMOVIDO POLA SOCIEDADE SAN RAFAEL S.L.
QUE SE RESOLVA A INADMISIÓN DO PROXECTO. E EN CASO DE ADMITIR O PROXECTO, QUE SE DICTE UNHA DECLARACIÓN DE IMPACTO AMBIENTAL DESFAVORABLE Á VISTA DOS IMPACTOS QUE SE DEBULLARON NAS ALEGACIÓNS ANTERIORES.
Modelo de Solicitude Xenérica. Documentación que se presenta
Neste apartado debes incluir os tres documentos que preparaches anteriormente. Podes mudar o nome e a descripción da documentación (pero é importante que as descripcións se correspondan co arquivo na fase de subida de documentación e cos textos que incluiches anteriormente).
Aquí embaixo tes un exemplo do que subimos nós.
Modelo de Solicitude Xenérica. A quén se dirixe:
Aquí podes ver o correcto destinatario da túa alegación:
Continúar o trámite
Se conseguiches chegar ata aquí, non vas ter problemas para finalizar o trámite. É importante que te asegures de:
- Nomear correctamente e realmente subir toda a documentación que queiras incluir.
- Completar o trámite, firmando e enviando a solicitude.
Recorda que se tes algunha dúbida sobre o proceso, podes consultar cómo presentar unha alegación oficial contra proxectos perxudiciais para o medio ambiente, outro artigo noso onde damos mais detalles sobre este tedioso trámite oficial (pero necesario!!!)
Moitísimas grazas por estar!!!
